Administración
A VI BTTROITA CELEBRARASE ESTE DOMINGO 27 DE OUTUBRO
A VI BTTROITA ADIÁNTASE A ESTE SÁBADO 26 DE OUTUBRO
“Parece que a BTTroita se resiste, pero nós poremos todo o noso empeño e que esta proba se celebre a súa VI edición” así confirmaba Andrés Díaz esta mañá que a VI edición da BTTroita se celebrará finalmente o sábado pola tarde. Goberno Local e organización de BTTroita tomaron esta decisión xa que este 27 de outubro, coincide co segundo domingo de caza menor. Tal e como dixo Díaz “para a seguridade das e dos participantes na BTTroita e tamén para o desfrute desta práctica, seguida por moitos veciños de Ponte Caldelas, cremos que a mellor opción é adiantar esta proba a tarde do sábado para garantir así a convivencia entre as dúas actividades”. A cita terá lugar na tarde do sábado e sairá ás 16:00 da Alameda de Ponte Caldelas.
O PXOM ESTÁ EN CAMIÑO
O PXOM DE PONTE CALDELAS ESTÁ EN CAMIÑO
O Goberno Local enviou á Xunta, antes das eleccións locais, o borrador do PXOM acordado polo PSOE, BNG e polo PP. Un documento co que se pretende poñer fin ás Normas Subsidiarias de hai máis de 25 anos e aprobar a primeira ordenación urbanística desenvolvida expresamente para Ponte Caldelas. Pois ben, ese borrador do Plan Xeral xa está de volta no concello de Ponte Caldelas. Agora dende o Goberno Local comezarán a realizar asembleas nos pobos de Ponte Caldelas co fin de dar a coñecer en profundidade ese PXOM en xeral, e en particular de que xeito lle afecta a cada núcleo poboacional do concello.
MONTSE FAJARDO PRESENTOU O SEU LIBRO, INVISIBLES, EN PONTE CALDELAS
A escritora e xornalista Montse Fajardo presentou en Ponte Caldelas o seu último libro, Invisibles, un traballo no que recolle as testemuñas de sete mulleres vítimas de maltrato. O acto, organizado polo Concello, contou coa presenza do alcalde, Andrés Díaz e da responsable da Unidade contra a Violencia de Xénero da Subdelegación do Goberno, Manela Vilaboy.
Montse Fajardo, que foi presentada pola concelleira Leticia Rocha, fixo un repaso polos casos recollidos no seu libro e participou nun intenso debate co público presente que se prolongou durante máis dunha hora.
Na súa intervención asegurou que só a mala sorte de ter dado cun maltratador explica que unha muller sufra violencia de xénero e rexeitou calquera intento de culpar ás mulleres que, non debemos esquecer nunca, sempre son vítimas nesta situación.
Por outra banda, Ponte Caldelas acolle mañá, sábado, a adaptación teatral desta obra coa presencia da compañía Redrum Teatro. Será a partir das 21.30 horas no salón do colexio Cordo Boullosa en sesión gratuíta. A obra está patrocinada polo Pacto de Estado contra a Violencia de Xénero.
OUTRAS NOVAS
VI BTT TROITA CELEBRARASE O 26 DE OUTUBRO ÁS 16:00
3 NOVEMBRO IV FEIRA DE ARTESANÍA NA PRAZA DE ESPAÑA
Ponte Caldelas
TURISMO PONTE CALDELAS
PUNTO DE INFORMACIÓN
CATASTRAL (PIC)
Ubicación: Casa do Concello.
Avenida de Galicia,17.
36820 Ponte Caldelas.
Teléfono: 986750001/13
Horario: de 9 a 14:00h
de luns a venres.
