Administración
O alcalde de Ponte Caldelas asiste ao inicio do curso gratuito de preparación do exame de graduado en ESO
Andrés Díaz animou aos alumnos participantes a aproveitar as posibilidades que o Concello pon á súa disposición e desexoulles sorte no exame
O alcalde de Ponte Caldelas, Andrés Díaz Sobral, asistiu ao inicio do curso gratuito de preparación do exame para a obtención do graduado en ESO, no ámbito científico-tecnolóxico, que organiza o Concello de Ponte Caldelas no Centro Cultural. Un total de 38 persoas inscribíronse na presente edición destes cursos que buscan, a través dun profesor, axudar aos alumnos na súa formación co fin de que podan acceder ao exame que terá lugar o vindeiro 9 de setembro nas mellores condicións posibles de coñecemento.
O equipo de goberno de Ponte Caldelas realiza o izado oficial da primeira bandeira azul concedida a unha praia fluvial en España
O alcalde manifestou que é un logro histórico colectivo de tódolos veciños e veciñas de Ponte Caldelas e amosou o seu firme compromiso para preservala e defendela fronte a calquera agresión medioambiental “veña de onde veña”
O equipo de goberno de Ponte Caldelas, encabezado polo seu alcalde Andrés Díaz Sobral, procederon ao izado oficial da primeira bandeira azul concedia a unha praia fluvial en España polo organismo europeo ADEAC e que ondeará na Calzada como recoñecemento colectivo ao coidado medioambiental, calidade e pureza das súas augas.
O Concello de Ponte Caldelas pon en marcha "Noites na Alameda con..." para dinamizar o sector hosteleiro nas noites de venres e sábados do verán
Pretende achegar a boa música ao público en xeral a través da ambientación das terrazas da alameda con audicións de grupos e solistas míticos da historia recente
O Concello de Ponte Caldelas, dentro do seu desexo de poñer en marcha iniciativas para reactivar a actividade económica nos sectores máis representativos do municipio como son o comercial e o hostaleiro, porá en marcha a partir deste venres o programa "Noites na Alameda con..." co fin de dinamizar o consumo nas terrazas existentes nos arredores do parque arborado da vila.
Esta iniciativa pretende atraer público de Ponte Caldelas e arredores ás terrazas da Alameda nestas noites de verán coa intención de que se recupere un lugar para o lecer e a conversa tendo como fío musical os principais éxitos de figuras míticas da música contemporánea a través da megafonía instalada polo Concello.
A primeira destas "Noites na Alameda con..." será o vindeiro venres 3 de xullo, entre as 22 e as 24 horas, e estará protagonizado polo mítico grupo "Queen", liderado por Freddy Mercury. Esta elección faise como un pequeno xesto cara a defensa da igualdade ante a recente celebración do Día Internacional do orgullo LGBT.
OUTRAS NOVAS
9°C
Ponte Caldelas
Buen Tiempo
Humedad: 87%
Viento: 0 km/h
-
24 Mar 2016
16°C
8°C
-
25 Mar 2016
14°C
13°C
TURISMO PONTE CALDELAS
PUNTO DE INFORMACIÓN
CATASTRAL (PIC)
Ubicación: Casa do Concello.
Avenida de Galicia,17.
36820 Ponte Caldelas.
Teléfono: 986750001/13
Horario: de 9 a 14:00h
de luns a venres.
