Plenosetembro2017

O Goberno local tripartito obtivo o apoio da Oposición en dúas mocións que poñen o acento na discriminación que sofre o municipio

 

Unanimidade no Pleno do Concello de Ponte Caldelas na práctica totalidade dos asuntos contidos na orde do día. O Goberno local tripartito (PSdeG-PSOE, AVP e BNG) logrou o apoio da Oposición do PP nas mocións que presentou para solicitar da Xunta de Galicia e da Deputación a modificación urxente do mapa de emerxencias, co fin de acabar coa zona de sombra neste municipio, e para solicitar da Consellería de Educación a colaboración necesaria para dotar ao colexio da Reigosa dun ximnasio digno e de comedor escolar.

O Pleno, ao que asistiron membros da ANPA da Reigosa, tamén aprobou o proxecto que o Concello presentará ao plan extraordinario de grandes obras que vén de convocar a Deputación Provincial e ao que Ponte Caldelas concorre cunha humanización da praza de España valorada nuns 360.000 euros. O asunto saíu adiante cos votos do Goberno local e a abstención do PP, a única nunha sesión marcada pola unanimidade.

No que atinxe ao mapa de emerxencias, o Concello de Ponte Caldelas denuncia a inoperatividade do actual mapa, pactado no seu día polo conselleiro Alfonso Rueda e o ex-presidente da Deputación, Rafael Louzán, derivado da posta en marcha do Consorcio Provincial de Emerxencias. No seu día apostouse pola situación dos parques comarcais en Ribadumia, Vilagarcía, Bueu e Porriño, deixando zonas de sombra moi preocupantes, nas que os bombeiros tardan demasiado en chegar. A peor de todas está ao redor da capital da provincia e abrangue os municipios de Ponte Caldelas, Cerdedo-Cotobade, A Lama e Campo Lameiro, onde os tempos de esperar poden chegar ata as dúas horas.

A moción lembra que o mapa é unha competencia exclusiva do Goberno galego, que debe aprobar a súa modificación a través do Consello da Xunta. Sen embargo, admite tamén que hai competencias comúns, dado que á Deputación correspóndelle velar polos concellos de menos de 20.000 habitantes. Por tanto, insta ás dúas institucións a iniciar conversas inmediatas. O texto solicita a comarcalización do parque municipal de Bombeiros de Pontevedra, critica as declaracións políticas oportunistas tralo incendio na carpintaría de Tenorio, e agradece o espírito de colaboración que sempre amosou o Goberno local de Pontevedra.

O alcalde, Andrés Díaz, destacou na súa intervención a irresponsabilidade que supón que as naves industriais do Campiño dispoñan de Bombeiros en 15 minutos, mentres que as da Reigosa, situadas a escasos metros, teñan que agardar dúas horas. Tamén subliñou que un veciño de Pontevedra que ten un accidente no seu termo municipal e queda atrapado nos ferros ten a garantía de ser excarcerado rapidamente, pero se viaxa a Ponte Caldelas terá que agardar dúas horas. “E isto, nun asunto no que a diferencia entre a vida e a morte depende en gran medida do tempo de resposta, é irresponsable”, destacou.

No que atinxe ao colexio da Reigosa, o Pleno aprobou unha moción pola que o Concello se ofrece a financiar ao 100% as obras do comedor escolar, sempre que se sitúe dentro das instalacións escolares, onde resultaría unha obra máis factible. Ao mesmo tempo, reitera a súa oferta de financiar ao 50% as obras de ampliación do deficiente ximnasio, definido durante o Pleno como “unha caixa de mistos”. A moción tamén expresa o apoio e solidariedade coa ANPA tralos recortes no profesorado de Infantil e as obras de cambio de plaquetas no ximnasio, que, de feito, viñeron supor unha redución do xa exiguo espazo, tanto en altura como en anchura.

O alcalde denunciou durante o Pleno que a Consellería manexa un “plan oculto” para pechar o colexio da Reigosa e anunciou que o Concello non colaborará nin será cómplice, polo que está disposto a endebedarse para atender unhas obras que, aínda sen ser da súa competencia, considera moi necesarias para garantir o futuro do centro.

Finalmente, o Pleno aprobou unha declaración institucional polo 25-N, Día contra a Violencia sobre a Muller, así como a dotación da praza de tesoureiro compartida cos concellos de Cerdedo-Cotobade e Vilaboa.

 

OTRAS NOTICIAS

equipo gobierno

sede electronica ponte caldelas

EMPREGO

FORMACION

CARTEL PISCINA

xantacaldelas 

excursin vila verde portugal

cartelmasaje2

cartelcochesclasicosao200172

PLANCULTURAL2017

CARTEL FOLLAS DE OLIVAR 2017

CARTELFECHASMOTIVARTE

coempo

Buen Tiempo

9°C

Ponte Caldelas

Buen Tiempo

Humedad: 87%

Viento: 0 km/h

  • 24 Mar 2016

    Mayormente nublado 16°C 8°C

  • 25 Mar 2016

    Lluvia ligera 14°C 13°C

fiestas

pabellon

emerxencia social

AREA ARQUEOLOXICA TOURON ES

TURISMO PONTE CALDELAS

facebook-turismotwitter-turismo
folleto tur

PUNTO DE INFORMACIÓN
CATASTRAL (PIC)

Ubicación: Casa do Concello.
Avenida de Galicia,17.
36820 Ponte Caldelas.
Teléfono: 986750001/13
Horario: de 9 a 14:00h
de luns a venres.

 

Volver