Balanzo2anos

A publicación será repartida a toda a veciñanza para dar conta do labor de transformación realizado no municipio “tras os 40 anos da dereita”

Ponte Caldelas ten mellorado moito nos dous últimos anos. O cambio democrático operado pola vontade popular tras 40 anos de gobernos da dereita manifestouse no nacemento do tripartito que forman PSdeG-PSOE, AVP e BNG, que vén de cumprir dous anos marcado pola unidade de acción e a responsabilidade na toma de decisións, poñendo sempre por diante os intereses da veciñanza.

O Goberno local eludiu calquera acto público de celebración do paso de ecuador do mandato e decidiu limitarse á publicación dun boletín informativo a 16 páxinas nas que dá conta dos fíos condutores da transformación realizada, tanto na xestión municipal, como no diálogo coa veciñanza, na dinamización do Concello e na súa proxección. “Non hai nada que celebrar porque queda moito traballo por diante, pero si hai moito do que informar, como corresponde a un goberno progresista e que aspira a ser un modelo de transparencia e de relación directa coa xente”, afirma o alcalde, Andrés Díaz.

O documento ábrese cunha imaxe do Goberno local ao completo baixo o título “Traballando coas portas abertas e as contas saneadas” e céntrase na seriedade da política económica, reducindo a débeda herdada de 1 millón de euros a pouco máis de 500.000 euros, na imaxinación á hora de abordar os retos, o diálogo e a sensibilidade social.

A lixeira recuperación de poboación experimentada o ano pasado, despois de máis dunha década de caída constante, que levou a Ponte Caldelas a pasar de 7.000 a 5.500 habitantes, constitúe outro dos puntos abordados. Xunto a este fito fálase das políticas de emprego derivadas dos acordos coas empresas do polígono da Reigosa, que teñen suposto a creación dun cento de postos de traballos, ocupados fundamentalmente por mulleres do municipio.

O tripartito destaca a redución na fiscalidade municipal, que se ten manifestado nas baixadas nos recibos da auga para toda a veciñanza e bonificacións adicionais para familias numerosas ou persoas en risco de exclusión. Tamén no recibo de circulación de vehículos e nas taxas por uso de instalacións deportivas e por visitas guiadas a área arqueolóxica de Tourón.

O seguinte apartado é a dinamización social e cultural do municipio, que vai dende o Entroido do Verán á chegada do campus de fútbol Alcántara, pasando polas degustacións da festa da troita por todas e cada unha das parroquias. Sen esquecer a Festa Gastronómica da Emigración, a Subida a Ponte Caldelas do Campionato Galego de Rally de Montaña ou os concursos de tapas. Todo elo converteu xa a Ponte Caldelas nunha referencia e nun incremento na atracción de visitantes.

Un apartado específico detense na loita para  acadar as obras da estrada autonómica PO-234, na que se sitúan as perigosas curvas de Laxoso. O Concello lembra o traballo conxunto coa Plataforma Veciñal de Ponte Caldelas e Cotobade e as dúas manifestacións populares que obrigaron á Xunta de Galicia a dar o brazo a torcer. Máis aínda, inclúe unha nota de prensa oficial da Xunta do ano 2011, na que xa se prometían as obras dun xeito inminente, incluídas as expropiacións. O actual Goberno caldelán explica que agora mesmo foi necesario tomar a iniciativa para propoñer a sinatura dun convenio, pioneiro en toda España, polo que o Concello comprometeuse a pagar as expropiacións como fórmula para  acabar coas escusas da Xunta. “Dá igual, poñemos o interese público por enriba das liortas e do politiqueo”, conclúe este apartado.

O Concello de Ponte Caldelas detense tamén en explicar as “solucións imaxinativas” que tivo que poñer enriba da mesa para defender Ponte Caldelas. Así, ademais da PO-234, recolle o aluguer simbólico á rexistradora da propiedade das antigas oficinas de Turismo, como fórmula para evitar a perda deste servizo por mor dos recortes do Goberno de Mariano Rajoy. Pero aborda tamén o expediente urbanístico aberto ás empresas do tanatorio para que arranxaran o edificio, o que obrigounas a investir 127.000 euros e, por tanto, á inminente reapertura. Finalmente, mantén sobre a mesa a proposta de convenio coa Consellería de Educación para  dotar de comedor ao colexio da Reigosa.

A defensa constante dos intereses de Ponte Caldelas caracterizou estes dous intensos anos. Quedou patente coas tres protestas realizadas pola negativa da Xunta a abrir a Casa da Quintán, completamente restaurada cun gasto público de 500.000 euros, como centro social. A reivindicación de axudas para o mantemento e promoción da área arqueolóxica de Tourón; a esixencia do desbloqueo urbanístico á Central de Transportes da Reigosa, que está a impedir a concesión de licenzas. A última iniciativa foi a denuncia pública pola “zona de sombra” no mapa de emerxencias de Galicia, con tempos de resposta para os bombeiros que chegan ata as dúas horas.

O Goberno caldelán presume de ter solucionado chapuzas herdadas, comezando polo burato da débeda, e pasando polo muro de Taboadelo, o saneamento de Buchabade, ou o conflito laboral no Centro de Información á Muller, que supuxo dúas condenas contra o Concello por mor da nefasta xestión anterior do anterior equipo municipal do PP, que converteu, pola vía dos feitos, a dúas traballadoras autónomas en laborais fixas, cun importante custo para as arcas municipais.

O asfaltado integral no paseo da Calzada, dotándoo de carril bici, e todas as obras nas parroquias, todas elas pactadas e faladas coa veciñanza en asembleas abertas, “sen intermediarios e sen conseguidores”, son outro dos fitos. A regulación da vida municipal con ordenanzas que obrigan a limpar a maleza das fincas ou a ordenar a colocación de mesas e cadeiras dos bares, son outro punto.

O balanzo conclúe cunha breve declaración de cada un dos tres grupos municipaisi que sustentan o Goberno local en total harmonía e unha recompilación dalgúns titulares que xa sitúan a Ponte Caldelas como a mellor opción residencial no interior da provincia, pola calidade de vida, a baixa presión fiscal e a beleza da súa paisaxe.

OTRAS NOTICIAS

equipo gobierno

sede electronica ponte caldelas

EMPREGO

FORMACION

CARTAZ ACTO INSTITUCIONAL 25NOV

CARTEL PISCINA

xantacaldelas 

excursin vila verde portugal

cartelmasaje2

cartelcochesclasicosao200172

PLANCULTURAL2017

CARTEL FOLLAS DE OLIVAR 2017

CARTELFECHASMOTIVARTE

coempo

Buen Tiempo

9°C

Ponte Caldelas

Buen Tiempo

Humedad: 87%

Viento: 0 km/h

  • 24 Mar 2016

    Mayormente nublado 16°C 8°C

  • 25 Mar 2016

    Lluvia ligera 14°C 13°C

fiestas

pabellon

emerxencia social

AREA ARQUEOLOXICA TOURON ES

TURISMO PONTE CALDELAS

facebook-turismotwitter-turismo
folleto tur

PUNTO DE INFORMACIÓN
CATASTRAL (PIC)

Ubicación: Casa do Concello.
Avenida de Galicia,17.
36820 Ponte Caldelas.
Teléfono: 986750001/13
Horario: de 9 a 14:00h
de luns a venres.

 

Volver